کراچی: صدر میں قائم الیکشن کمیشن کے آفس کے باہر مغرب کے بعد زور دار دھماکا ہوا جس کی آواز صدر اور اطراف کے علاقوں میں سنی گئی۔ابتدائی تفتیش میں یہ بات سامنے آئی کہ دھماکا خیز مواد شاپنگ بیگ میں الیکشن کمیشن کی عمارت کے باہر رکھا گیا تھا، رش نہ ہونے کی وجہ سے کسی قسم کا کوئی نقصان نہیں ہوا۔ شہر قائد میں قائم الیکشن کمیشن کے آفس کے باہر دھماکا ہوا ہے جس میں خوش قسمتی سے کوئی زخمی یا جانی نقصان نہیں ہوا۔پولیس نے جائے وقوعہ پر پہنچ کر مقام کو سیل کر کے شواہد اکھٹے کرلیے ہیں جبکہ دھماکے کی نوعیت کیلیے بم ڈسپوزل اسکواڈ کو طلب کرلیا گیا ہے۔پولیس کے مطابق دھماکے سے کوئی جانی نقصان نہیں ہوا البتہ الیکشن کمیشن آفس کی دیوار متاثر ہوئی ہے۔ایس ایس پی ساتھ ساجد سدوزئی نے جائے وقوعہ کا دورہ کرنے کے بعد میڈیا سے گفتگو میں بتایا کہ دھماکے میں 500 گرام دیسی ساختہ بارودی مواد استعمال کیا گیا، دھماکا تخریب کاری ہے جو مکمنہ طور پرخوف و ہراس پھیلانے کیلیے کیا گیا۔
