صدر مملکت نے قومی اسمبلی کا اجلاس بلانے کی سمری واپس بھجوا دی، سپیکر نے اجلاس طلب کر لیا

۔ اسلام آباد: صدر مملکت عارف علوی نے مخصوص نشستوں کے حوالے سے نگراں وزیراعظم انوارالحق کا مشورہ واپس بھجوا دیا ہے جس کے بعد اسپیکر نے اجلاس جمعرات کو طلب کرلیا ہے۔ صدر مملکت عارف علوی نے قومی اسمبلی کا اجلاس بلانے کی سمری پر اعتراض کرتے ہوئے کہا کہ پہلے خواتین اور اقلیتوں کی مخصوص نشستیں مکمل کی جائیں پھر قومی اسمبلی کا اجلاس بلایا جائے گا۔ صدر نے سمری وزیر اعظم ہاس اور وزارت پارلیمانی امور کو واپس بھیج دی۔ ذرائع کے مطابق آئین کے آرٹیکل 91 کی شق 2 کے مطابق قومی اسمبلی کا اجلاس 29 فروری کو بلانے کا فیصلہ کیا گیا ہے۔ سپیکر قومی اسمبلی راجہ پرویز اشرف نے قومی اسمبلی سیکرٹریٹ کے سینئر افسران اور آئینی ماہرین سے مشاورت کی، جس میں صدر ڈاکٹر علوی کی جانب سے سمری پر دستخط نہ کرنے سے پیدا ہونے والی صورتحال کا جائزہ لیا گیا۔ قومی اسمبلی سیکرٹریٹ نے فیصلہ کیا کہ صدر کی سمری مسترد ہونے کے باوجود قومی اسمبلی کا اجلاس 29 فروری کو ہوگا۔اسپیکر راجہ پرویزاشرف نے آئین کے آرٹیکل 91 کی شق 2 کے تحت اجلاس 29 فروری کو صبح 10 بجے طلب کیا۔ نگراں وزیراعظم انوار الحق کاکڑ نے صدر مملکت عارف علوی کو قومی اسمبلی کا اجلاس 26 فروری کی صبح 10 بجے بلانے کی سمری ارسال کی تھی۔ آئین میں یہ حکم دیا گیا ہے کہ انتخابات کے 21 دن کے اندر اجلاس بلایا جائے اور آئین کے تحت قومی اسمبلی کا اجلاس 29 فروری کو نہیں بلایا جانا چاہیے۔ اگر قومی اسمبلی کا اجلاس 29 فروری کو ہوتا ہے تو اسی دن حلف کے بعد نئے سپیکر کا شیڈول جاری کر دیا جائے گا، پھر یکم مارچ کو قومی اسمبلی کے سپیکر کے لیے کاغذات جمع کرائے جائیں گے اور مارچ کو 2 سپیکر قومی اسمبلی کا انتخاب ہو گا۔ ڈپٹی سپیکر کا انتخاب بھی اسی روز ہوگا۔ اسی طرح وزیراعظم کے انتخاب کے لیے کاغذات نامزدگی جمع کرانے کا عمل 3 مارچ کو ہوگا، وزیراعظم کا انتخاب 4 مارچ کو قومی اسمبلی میں ہوگا اور صدر مملکت کا انتخاب الیکشن کے ذریعے ہوگا۔ کمیشن آف پاکستان نے 9 مارچ کو خیبرپختونخوا اسمبلی کا اجلاس بھی 29 فروری کو بلانا ہوگا۔ واضح رہے کہ مسلم لیگ ن کے سینیٹر اسحاق ڈار کا کہنا ہے کہ اگر صدر نے سمری پر اجلاس نہ بلایا تو اسپیکر آئینی طور پر 29 فروری کو اجلاس بلا سکتے ہیں۔