آئی جی اسلام آباد اکبر ناصر کا تبادلہ، اسٹیبلشمنٹ ڈویژن کو رپورٹ کرنے کی ہدایت

آئی جی اسلام آباد اکبر ناصر خان کا تبادلہ کر دیا گیا۔
حکومت نے انسپکٹر جنرل (آئی جی) اسلام آباد اکبر ناصر کا تبادلہ کرتے ہوئے انہیں اسٹیبلشمنٹ ڈویژن رپورٹ کرنے کی ہدایت کی۔
علی ناصر رضوی کو اکبر ناصر جان کی جگہ انسپکٹر جنرل (آئی جی) پولیس اسلام آباد تعینات کیا گیا ہے۔
میڈیا رپورٹس کے مطابق پولیس سروس گریڈ 20 کے اکبر ناصر خان کو اسٹیبلشمنٹ ڈویژن رپورٹ کرنے کی ہدایت کی گئی ہے۔
اسٹیبلشمنٹ ڈویژن نے آئی جی اسلام آباد کے تبادلے کا نوٹیفکیشن جاری کر دیا۔
نئے تعینات ہونے والے آئی جی اسلام آباد پولیس سروس گریڈ 20 علی ناصر رضوی اس سے قبل ڈی آئی جی آپریشنز لاہور تعینات تھے۔