اسلام آباد: پاکستانی اداکارہ مریم نفیس نے کہا ہے کہ ایک مرد کے لیے ایک سے زیادہ بیویوں کے ساتھ انصاف کرنا مشکل ہے۔ نجی ٹی وی کے پروگرام میں بات کرتے ہوئے اداکارہ نے کہا کہ وہ اس بات کا احترام کرتی ہیں کہ اسلام مردوں کو چار شادیوں کی اجازت دیتا ہے تاہم اس کے لیے تمام بیویوں کے لیے انصاف کی شرط عائد کی گئی ہے۔ انہوں نے کہا کہ وہ ذاتی طور پر یہ مانتی ہیں کہ بہت کم خواتین اپنے شوہروں کی دوسری شادی کی متحمل ہو سکتی ہیں۔ مریم نفیس کا کہنا تھا کہ اگر ان کے شوہر نے دوسری شادی کی تو وہ منع نہیں کریں گی بلکہ اسے چھوڑ دیں گی۔
