کراچی: عالمی اور مقامی صرافہ مارکیٹوں میں سونے کی قیمت تاریخ کی بلند ترین سطح پر پہنچ گئی۔
بین الاقوامی بلین مارکیٹ میں سونا 44 ڈالر فی اونس اضافے کے ساتھ 2350 ڈالر فی اونس کی نئی بلند ترین سطح پر پہنچ گیا۔
اسی طرح مقامی صرافہ مارکیٹوں میں سونے کی فی تولہ قیمت میں 4,900 روپے کا اضافہ ہوا جس سے قیمت 245,100 روپے فی تولہ کی نئی بلند ترین سطح پر پہنچ گئی۔ ملک میں فی 10 گرام سونے کی قیمت 4200 روپے اضافے سے 210134 روپے کی بلند ترین سطح پر پہنچ گئی۔
