ملکی زرمبادلہ بازاروں میں جمعہ کو سونا مزید مہنگا ہوگیا اور قیمتیں ایک بار پھر بلند ترین سطح پر پہنچ گئیں، عالمی سطح پر بھی قیمت میں اضافہ ہوگیا۔ میڈیا کے مطابق عالمی مارکیٹ میں سونے کی فی اونس قیمت 5 ڈالر کے اضافے سے 2400 ڈالر ہوگئی ہے۔ اسی طرح مقامی سطح پر سونے کی قیمت میں ایک بار پھر اضافہ ہوا ہے۔ آل پاکستان سپریم کونسل جیولرز ایسوسی ایشن کی رپورٹ کے مطابق جمعہ کو ایک تولہ سونے کی قیمت میں 100 روپے کا اضافہ ہوا ہے۔ اس کے بعد ایک تولہ سونا 2 لاکھ 50 ہزار 700 روپے کا ہوگیا۔ اسی طرح 429 روپے کے اضافے سے دس گرام سونے کی قیمت 2 لاکھ 14 ہزار 935 روپے کی سطح پر پہنچ گئی۔
