لاہور ہائی کورٹ نے پنجاب میں ہتک عزت قانون کے خلاف درخواست سماعت کے لیے منظور کرلی، سماعت کی تاریخ کا اعلان بعد میں کیا جائے گا۔
اس سے قبل رجسٹرار آفس نے اعتراض عائد کیا کہ درخواست کے ساتھ ہتک عزت قانون کے گزٹ نوٹیفکیشن کی کاپی منسلک نہیں کی گئی، نوٹیفکیشن کی کاپی جمع کرانےکے بعد رجسٹرار آفس نے اعتراض ختم کر دیا۔
درخواست گزار کا مؤقف ہےکہ پنجاب کاہتک عزت قانون آئین اور قانون کے منافی ہے، ہتک عزت آرڈینیس اور ہتک عزت ایکٹ کی موجودگی میں نیا قانون نہیں بن سکتا۔
درخواست گزار نے مؤقف اپنایا ہے کہ عدالت نئے ہتک عزت قانون کو کالعدم قرار دے اور حتمی فیصلے تک ہتک عزت قانون پر عملدرآمد روکا جائے۔
