کراچی: ملک میں سونے کی قیمت میں ایک بار پھر اضافہ ہوگیا جس کے بعد سونے کی قیمت ملکی تاریخ کی بلند ترین سطح پر پہنچ گئی۔ بین الاقوامی بلین مارکیٹ میں سونے کی فی اونس قیمت میں 20 ڈالر کا اضافہ ہوگیا۔ بعد ازاں نئی قیمت 2 ہزار 391 ڈالر فی اونس کی سطح پر آگئی۔ اسی طرح منگل کو مقامی صرافہ مارکیٹوں میں سونے کی فی تولہ قیمت میں 2400 روپے کا اضافہ ہوا جس کے بعد نئی قیمت 2 لاکھ 49 ہزار 700 روپے ہوگئی جب کہ فی 10 گرام سونے کی قیمت میں 2 ہزار 57 روپے کا اضافہ ہوا۔ نئی قیمت 2 لاکھ 14 ہزار 77 روپے کی سطح پر آگئی۔
