پیرس اولمپکس میں پاکستان کے مزید 2 ایتھلیٹس ایونٹ سے باہر ہوگئے۔ جمعہ کو پاکستانی اسپرنٹر فائقہ ریاض نے 100 میٹر کوالیفیکشن میں حصہ لیا، وہ اپنی ہیٹ میں چھٹے نمبر پر رہیں۔ انہوں نے مقررہ فاصلہ 12.49 سیکنڈ میں طے کیا۔
فائقہ ریاض نہ ہیٹ میں ٹاپ 10 میں رہیں نہ اگلے 5 مجموعی بہترین پلیئرز میں آسکیں، یوں فائقہ ریاض 100 میٹر ریس کے فائنل رانڈ میں جگہ نہ بناسکیں اور ایونٹ سے آٹ ہوگئیں۔
پیرس اولمپکس سے آج باہر ہونے والی دوسری خاتون ایتھلیٹس کشمالہ طلعت تھیں جنہوں نے 25 میٹر ائیر پسٹل ایونٹ کے کوالیفیکشن میں حصہ لیا لیکن وہ بھی فائنل رانڈ میں جگہ نہ بناسکیں۔
کشمالہ طلعت40 شوٹرز میں سے 22ویں نمبر پر رہیں۔ یوں پیرس اولمپکس میں شرکت کرنے والی پاکستان کی تینوں خواتین ایتھلیٹس کا سفر ختم ہوگیا۔
پاکستان کے 2 سوئمرز اور ایک شوٹر گلفام جوزف پہلے ہی ایونٹ سے باہر ہوچکے تھے۔
جس کے بعد پیرس اولمپکس میں شرکت کرنے والے 7 میں سے 5 قومی ایتھلیٹس ایونٹ سے باہر ہوگئے ہیں اور اب صرف شوٹر غلام بشیر اور ارشد ندیم سے امیدیں باقی ہیں۔
