راولپنڈی: تھانہ ایئرپورٹ کے علاقے نورانی محلہ میں ڈاکوؤں نے مزاحمت پر دکاندار کو قتل کردیا اور 80 ہزار روپے لوٹ کر فرار ہوگئے۔
پولیس کے مطابق دودھ اور دہی کا کاروبار کرنے والا دکاندار وقاص سعید صبا صبح دکان پر موجود تھا کہ دو موٹر سائیکل سوار گاہکوں کے بھیس میں وہاں پہنچے اور دکاندار سے نقدی وغیرہ چھیننے لگے۔
اس دوران دکاندار کی مزاحمت پر ملزمان نے فائرنگ شروع کر دی جس کے نتیجے میں وقاص سعید شدید زخمی ہو گیا اور زخموں کی تاب نہ لاتے ہوئے چل بسا جبکہ ملزمان 80 ہزار روپے چھین کر فرار ہو گئے۔
اطلاع ملنے پر پولیس نے موقع پر پہنچ کر فرانزک شواہد اکٹھے کرکے تفتیش شروع کردی۔
