عمران خان کی امریکہ کو انتخابات میں مداخلت کی دعوت ملکی خودمختاری کے خلاف ہے، ن لیگ

لاہور: مسلم لیگ(ن)کی رہنما مریم اورنگزیب نے کہا ہے کہ امریکا کو ملکی انتخابات میں مداخلت دعوت پاکستان کی خودمختاری کے خلاف ہے۔
یہ بات مسلم لیگ(ن) کے رہنما عطا تارڑ اور مریم اورنگزیب نے لاہور میں پریس کانفرنس کرتے ہوئے کہی۔
عمران خان نے کہا ہے ،امریکا میری مدد کرو، ان کا ایبسلوٹلی ناٹ ؟ ہم غلام نہیں ہیں کا نعرہ کہاں گیا؟
مریم اورنگزیب نے کہا کہ کسی کو بھی الیکشن کے نتائج پر اعتراض ہے تو وہ الیکشن کمیشن سے رجوع کرے، میڈیا پر چلائے گئے غیر حتمی نتائج کے حوالے سے پروپیگنڈا کیا جارہا ہے۔
ہم الیکشن کمیشن کے ترجمان نہیں مگر یہ قوانین ہیں، تحریک انصاف کی جانب سے بلاوجہ کی انارکلی اور انتشار پھیلا جارہا ہے۔
پی ٹی آئی والے اس وقت بھی انتشار پھیلارہے تھے جب چین کے صدر آرہے تھے، بجلی کے منصوبے بن رہے تھے۔
اسی طرح طاہر القادری کے ساتھ بیٹھ کر وہ قبریں کھود رہے تھے، آر ٹی ایس تو 2018 میں بیٹھا اور آج یہ دھاندلی کی بات کررہے ہیں۔
آج تک کس جماعت کے سربراہ نے کہا ہے کہ کسی اور ملک سے کہ وہ ہمارے انتخابات میں مداخلت کرے؟ اس کا مطلب ہے کہ آپ امریکا کے غلام ہیں۔
آپ کو وہاں سے فارن فنڈنگ آتی ہے اور آپ ملکی خودمختاری کے خلاف کسی ملک کو مداخلت کی دعوت دے رہے ہیں۔
میں عالمی میڈیا سے کہتی ہوں کہ پی ٹی آئی والے ہارے ہوئے ہیں ان کے پاس دھاندلی کے کوئی ثبوت نہیں ہیں۔
اگر انہیں اعتراض ہے تو قانون کے مطابق الیکشن کمیشن سے رجوع کریں۔انہوں ںے کہا کہ عمران خان کی جانب سے یہ کہنا آ امریکا میری مدد کرو۔
اب وہ ایبسلوٹلی ناٹ کہاں گیا؟ ہم غلام نہیں ہیں کہاں گیا؟ اس طرح کسی ملک کو دعوت دینے کا کیا مطلب ہے؟ یہ امریکن ایجنٹس ہیں انہیں فنڈنگ آتی ہے ۔
کارکردگی نہ دکھائی تو کیا جواب دیں گے امریکا کو اسی لیے یہ شور مچارہے ہیں۔ ان کی جماعت کے اندر فارن فنڈنگ کے ذریعے فارن ایجنٹ موجود ہیں۔
جن کا سربراہ عمران خان ہے جو ملکی انتخابات میں مداخلت کی دعوت دے کر پاکستان کو مزید انتشار کا شکار کرنا چاہتے ہیں۔
مریم اورنگزیب نے کہا کہ الیکشن میں ہرگز دھاندلی نہیں ہوئی فارم 45 مرتب ہونے میں وقت لگتا ہے مگر پی ٹی آئی والوں نے پہلے ہی وائرل کردیے۔
عالمی میڈیا کو بھی بتاتی ہوں کہ یہ جو فارم 45 میڈیا پر آئے ہوئے ہیں درست نہیں پی ٹی آئی والے فارم 45 کے جھوٹے اسکرین شارٹ دکھارہے ہیں ۔
مولانا فضل الرحمان ہمارے لیے قابل احترام ہیں، میں ان سے واقف ہوں ان کا پی ٹی آئی سے اتحاد ہوتا ہوا نظر نہیں آرہا۔
انہیں کچھ اعتراضات ہیں جس پر انہوں نے متعلقہ پلیٹ فارم سے رجوع کررکھا ہے۔