وفاقی حکومت نے پیاز اور کیلوں کی برآمد پر 15 اپریل تک پابندی عائد کر دی ہے۔
میڈیا کے مطابق وزارت تجارت نے پابندی کا نوٹیفکیشن وفاقی کابینہ کی منظوری کے بعد جاری کیا ہے۔
نوٹیفکیشن میں کہا گیا ہے کہ پیاز اور کیلوں کی برآمد پر 15 اپریل 2024 تک پابندی رہے گی، اس حوالے سے ایکسپورٹ پالیسی آرڈر 2022 میں ترمیم کی گئی ہے۔
خیال رہے کہ گزشتہ روز وفاقی کابینہ نے پیاز اور کیلوں کی برآمد پر پابندی کی منظوری دی تھی۔
10 مارچ کو قومی غذائی تحفظ اور تحقیق کی وزارت نے پیاز اور کیلے کی برآمد پر عارضی پابندی کی تجویز پیش کی تھی۔
قرنطینہ ڈپارٹمنٹ کے تمام مجاز افسران سے کہا گیا کہ وہ پیاز اور کیلے کی (بیرون ملک) ترسیل کے لیے فائیٹو سینیٹری سرٹیفکیٹ جاری نہ کریں۔
