سرفراز بگٹی نے کہا کہ صوبے میں ہر بچے پر ماہانہ 5 ہزار 625 روپے تعلیمی اخراجات کی مد میں خرچ ہو رہے ہیں . وزیراعلیٰ بلوچستان سرفراز بگٹی نے 2 ہزار غیر حاضر اساتذہ کو فارغ کرنے کا حکم دیتے ہوئے واضح کیا کہ محکمہ تعلیم میں کوئی مداخلت نہیں کی جائے گی اور ضلعی تعلیمی افسران کی تعیناتی میرٹ پر کی جائے۔ وزیراعلیٰ بلوچستان سرفراز بگٹی کی زیر صدارت محکمہ تعلیم کا اعلیٰ سطح کا اجلاس ہوا۔ وزیراعلیٰ نے چیف سیکرٹری بلوچستان کو عادتاً غیر حاضر اساتذہ کو برطرف کرکے ایک ماہ میں رپورٹ پیش کرنے کی ہدایت کی۔ تاہم اگر کوئی استاد غیر حاضر پایا گیا تو سیکرٹری تعلیم کے خلاف کارروائی کی جائے گی۔ سرفراز بگٹی نے کہا کہ صوبے میں ہر بچے پر تعلیمی اخراجات کی مد میں 5 ہزار 625 روپے خرچ کیے جا رہے ہیں جو کہ سالانہ 72 ہزار روپے فی کس بنتے ہیں۔ اتنے اخراجات میں ہر بچہ ملک کے اعلیٰ ترین نجی تعلیمی ادارے میں پڑھ سکتا ہے۔
