ممبئی: فلم اینیمل سے شہرت حاصل کرنے والے اداکار بوبی دیول ایک بار پھر ولن کے روپ میں نظر آئیں گے۔
بھارتی میڈیا کے مطابق اداکار کو یش راج کی اسپائی یونیورس فلم میں شامل کیا گیا ہے جس میں وہ عالیہ بھٹ کے مد مقابل ولن کا کردار ادا کریں گے۔
بوبی دیول نے انیمل میں عالیہ بھٹ کے شوہر رنبیر کپور کے ولن کا کردار ادا کیا جسے بہت پسند کیا گیا۔
ذرائع کے مطابق یش راج فلمز کا پراجیکٹ ابھی ابتدائی مراحل میں ہے تاہم عالیہ اور بوبی دیول کی شرکت کی تصدیق ہوگئی ہے۔
جاسوسی فلم کی شوٹنگ رواں سال کے دوسرے نصف میں شروع ہوگی اور اس کے لیے کاغذی کارروائی مکمل کرلی گئی ہے۔
