کراچی: سندھ ہائی کورٹ کے 6 ایڈیشنل ججز نے مستقل جج کی حیثیت سے حلف اٹھا لیا۔ مستقل ججز کا حلف اٹھانے والوں میں جسٹس امجد علی بوہیو، جسٹس ثنا اکرم منہاس، جسٹس جواد اکبر سروانہ، جسٹس محمد عبدالرحمن، جسٹس خادم حسین سومرو اور جسٹس ارباب علی ہکدرو شامل ہیں۔ چیف جسٹس سندھ ہائی کورٹ جسٹس عقیل احمد عباسی نے ججز سے حلف لیا، تقریب حلف برداری میں ہائی کورٹ بار، کراچی بار کے عہدیداران نے بھی شرکت کی، اس موقع پر ججز اور وکلاء کی بڑی تعداد بھی موجود تھی۔
