کراچی: ملک میں سونے کی قیمت میں آج پھر اضافہ ہوگیا جس کے بعد سونے کی قیمت ملکی تاریخ کی نئی بلند ترین سطح پر پہنچ گئی۔ بین الاقوامی بلین مارکیٹ میں فی اونس سونے کی قیمت 2 ہزار 391 ڈالر تک پہنچ گئی۔ مقامی صرافہ مارکیٹوں میں بدھ کو سونے کی قیمت میں 2200 روپے کا اضافہ ہوا جس سے سونے کی نئی قیمت 2,51,900 روپے فی تولہ ہو گئی جو ملکی تاریخ کی بلند ترین قیمت ہے۔ 10 گرام سونے کی قیمت میں بھی آج 1887 روپے کا اضافہ ہوا اور نئی قیمت 2 لاکھ 15 ہزار 964 روپے فی 10 گرام کی سطح پر آگئی۔ مقامی مارکیٹ کے مطابق فی تولہ سونا 2400 روپے اضافے سے 2 لاکھ 49 ہزار 700 روپے اور فی 10 گرام 2 ہزار 57 روپے اضافے سے 2 لاکھ 14 ہزار 77 روپے کا ہو گیا۔
