ایران میں پاکستانی زائرین کی ایک اور بس کو حادثہ، 3 افراد جاں بحق

ایران (مانیٹرنگ ڈیسک )ایران میں پاکستانی زائرین کی ایک اور بس کو حادثہ پیش آیا جس کے نتیجے میں 3 افراد جاں بحق ہوگئے۔ایرانی میڈیا کے مطابق پاکستانی زائرین اربعین میں شرکت کیلئے ایران کے راستے عراق جا رہے تھے کہ گزشتہ رات شہر نیریز میں پاکستانی زائرین کی بس ٹرک سے جا ٹکرائی۔حادثے کے نتیجے میں 3 افراد جاں بحق اور 48 زخمی ہوگئے جن میں سے 5 کی حالت تشویشناک ہے جبکہ جاں بحق افراد میں ڈرائیور، کنڈیکٹر شامل ہیں۔ایرانی میڈیا کا کہنا ہے کہ حادثہ بریک میں تکنیکی خرابی اور ڈرائیور سے گاڑی بے قابو ہوجانے کے سبب پیش آیا۔خیال رہے کہ 21 اگست کوایرانی شہریزد میں پاکستانی زائرین کی بس کو حادثے میں 28 افراد جاں بحق ہوئے تھے۔