اسلام آباد:رہنما تحریک انصاف علی محمد خان نے کہا ہے کہ عمران خان قوم کے دم پر رہا ہوں گے۔ گفتگو کرتے ہوئے علی محمد خان کا کہنا تھا کہ کوئی ہماری مدد کو نہیں آئےگا، اپنی جنگ خود ہی لڑنی پڑتی ہے۔انہوں نے کہا کہ بانی پی ٹی آئی اگررہا ہوں گے تو قوم کے دم پر ہوں گے، عمران خان نے کسی کال سے متعلق کوئی بات نہیں کی، بانی پی ٹی آئی کی بات اہم ہے، زلفی بخاری اور شہبازگل کی نہیں، ہم یہ امید کرتےہیں کہ ڈونلڈ ٹرمپ کےآنےسےحالات بہترہوں گے۔علی محمد خان کا کہنا تھا کہ صوابی جلسےمیں آئندہ کا لائحہ عمل دیا جائےگا، سیاست میں سارے کارڈ نہیں دکھائےجاتے،عطا تارڑکی بات کا جواب تب دوں گا جب جیت کرآئیں گے، عطا تارڑاوران کی لیڈرشپ فارم 47سے آئے ہیں۔رہنما تحریک انصاف نے کہا کہ علیمہ آپا کی کسی بات پرکمنٹ نہیں کروں گا، علیمہ آپا کو گلا کرنے کا حق ہے، بشریٰ بی بی، علیمہ آپا کا سیاست سےتعلق نہیں جبکہ فواد چودھری کی پارٹی میں واپسی کا فیصلہ عمران خان کریں گے، فواد چودھری کےبھائی لیگل ٹیم کا حصہ ہے۔آخر میں تحریک انصاف کی لیگل ٹیم کے حوالے سے سوال کے جواب میں ان کا مزید کہنا تھا کہ لیگل ٹیم بانی پی ٹی آئی کی رہائی سےمتعلق کوشش کررہی ہے، عمران نے بھی وکلا ٹیم پر کسی قسم کا عدم اعتماد کا اظہار نہیں کیا۔
