سال 2023 میں وہاج علی اور یمنی زیدی کا ڈرامہ سیریل ‘تیرے بن’ نشر ہوا تھا۔
ممبئی: بھارت کی معروف پروڈیوسر اور ہدایت کار ایکتا کپور نے بلاک بسٹر پاکستانی ڈرامہ سیریل تیرے بن کے ری میک کا آغاز کر دیا۔
گزشتہ کچھ عرصے سے پاکستانی ڈرامے بھارت میں خاص شہرت حاصل کر رہے ہیں، اب بھارتی اداکار اور پروڈیوسرز بھی پاکستانی ڈراموں کی تعریف کرتے نظر آتے ہیں، کچھ بھارتی اداکاراؤں نے پاکستانی ڈراموں میں کام کرنے کی خواہش کا اظہار بھی کر دیا ہے۔
بھارت کے مقبول ڈراموں میں وہاج علی اور یمنی زیدی کا ڈرامہ سیریل تیرے بن شامل ہے جو بھارت، بنگلہ دیش اور پاکستان سمیت دیگر ممالک میں بہت مقبول ہوا۔ مداحوں کی تعداد بہت بڑھ گئی ہے۔
اس ڈرامے کی مقبولیت کو دیکھتے ہوئے اب مشہور بھارتی پروڈیوسر اور ہدایت کار ایکتا کپور نے اس ڈرامے کا بھارت میں ریمیک بنانے کا اعلان کیا ہے۔
بھارتی میڈیا کے مطابق ایکتا کپور نے ڈرامہ سیریل تیرے بن کے ریمیک کے لیے بھارتی ٹی وی چینل کلرز ٹی وی کے ساتھ شراکت داری کی ہے، ایکتا کپور نے اس ڈرامے میں اداکاری کے لیے اداکارہ کنیکا مان اور عائشہ سنگھ سے بھی رابطہ کیا ہے۔ .
رپورٹ میں کہا گیا ہے کہ ایکتا کپور ریمیک ڈرامہ تیرے بن ہیے کا ٹائٹل اپنے پاس رکھیں گی جبکہ یہ ڈرامہ رواں سال جولائی سے ٹی وی پر نشر کیا جائے گا۔
