بھارتی فضائیہ کا تیجس لڑاکا طیارہ بھارت شکتی نامی جنگی مشق کے دوران گر کر تباہ ہو گیا۔
نئی دہلی: بھارتی ریاست راجستھان میں بھارتی فضائیہ کا تیجس طیارہ معمول کی مشق کے دوران گر کر تباہ ہو گیا۔ یہ 25 سالوں میں اپنی نوعیت کا پہلا واقعہ ہے۔
بھارتی میڈیا کے مطابق تیجس طیارہ راستھان کے علاقے فوکران میں بھارتی فوج کی جاری بھارت شکتی مشقوں کے دوران ٹیک آف کے کچھ دیر بعد گر کر تباہ ہو گیا۔
جیسے ہی طیارہ زمین پر گرا، اس میں خوفناک آگ بھڑک اٹھی اور جلد ہی لڑاکا طیارہ جل کر راکھ ہوگیا۔ پائلٹ نے پیراشوٹ کی مدد سے طیارے سے چھلانگ لگا کر اپنی جان بچائی۔
تیجس طیارہ رہائشی علاقے میں گر کر تباہ ہوا، لیکن اس میں کوئی جانی نقصان نہیں ہوا کیونکہ جائے حادثہ پر کوئی بھی موجود نہیں تھا۔ طیارہ گرنے کی وجہ تاحال معلوم نہیں ہو سکی ہے۔ انکوائری کمیٹی بنا دی گئی۔
واضح رہے کہ تیجس لڑاکا طیارے کی تباہی کا واقعہ 25 سال میں پہلا واقعہ ہے جب کہ مگ 21 طیاروں کے گرنے کے واقعات عام ہیں اس لیے بھارتی فوج نے ایسے تمام مگ 21 کو تک تچس طیاروں سے تبد یل کر نے کا فیصلہ کیا ہے ۔
