شمالی وزیرستان میں سیکیورٹی فورسز کی کارروائی میں دو دہشت گرد مارے گئے۔ضلع شمالی وزیرستان میں خفیہ اطلاع پر کارروائی کی جس میں 2 دہشت گرد ہلاک ہوگئے۔ پاک فوج کے شعبہ تعلقات عامہ (آئی ایس پی آر) کی جانب سے جاری بیان کے مطابق 19 اور 20 مارچ کی درمیانی شب سیکیورٹی فورسز نے شمالی وزیرستان کے ضلع میں انٹیلی جنس کی بنیاد پر آپریشن کیا۔ آئی ایس پی آر کا کہنا ہے کہ آپریشن اور فائرنگ کے شدید تبادلے میں دو دہشت گرد ہلاک اور دو زخمی ہوئے۔ آئی ایس پی آر کا کہنا ہے کہ سیکیورٹی فورسز نے انٹیلی جنس اطلاعات کی بنیاد پر کارروائی کی۔ ہلاک دہشت گردوں کے قبضے سے اسلحہ، گولہ بارود اور دھماکہ خیز مواد بھی برآمد ہوا اور ہلاک دہشت گرد علاقے میں دہشت گردی کی متعدد کارروائیوں میں ملوث تھے۔ آئی ایس پی آر نے کہا کہ علاقے میں پائے جانے والے دیگر دہشت گردوں کو ختم کرنے کے لیے سینی ٹائزیشن آپریشن کیا جا رہا ہے، انہوں نے مزید کہا کہ پاکستان کی مسلح افواج ملک سے دہشت گردی کی لعنت کو ختم کرنے کے لیے پرعزم ہیں۔
