بھارت میں کاسٹنگ ایجنسیوں سے تحفظ کا کوئی قانون نہیں، نورا فاتھی

ممبئی: مراکش-کینیڈین ڈانسر، ماڈل اور بالی ووڈ اداکارہ نورا فاتھی نے بھارت میں اپنے کیریئر کے تکلیف دہ دنوں کے بارے میں بتایا۔ بھارتی میڈیا کو دیئے گئے انٹرویو میں نورا فاتھی نے کہا کہ میں صرف 5 ہزار روپے لے کر بھارت آئی تھی اور جب یہاں آئی تو مجھے یہ بھی نہیں معلوم تھا کہ بھارت میں ایک ہزار ڈالر کا کیا مطلب ہے۔ نورا فتحی نے کہا کہ بالی ووڈ میں اپنے کریئر کے ابتدائی دنوں میں میں ممبئی کے ایک اپارٹمنٹ میں رہتی تھی جہاں میرے علاوہ 9 لڑکیاں رہتی تھیں اور یہ سب ذہنی طور پر بیمار تھیں۔ ہم تین لڑکیاں ایک ہی کمرے میں رہتی تھیں۔ اداکارہ نے کہا کہ اس اپارٹمنٹ میں رہتے ہوئے میں سوچتی تھی کہ میں نے خود کو کہاں پھنسا لیا ہے۔ انہوں نے کہا کہ بھارت میں کاسٹنگ ایجنسیوں نے پورا معاوضہ نہیں دیا، یہاں تک کہ سانس لینے کے پیسے بھی تنخواہ سے کاٹ لیے گئے اور صرف اتنی تنخواہ دی گئی جس سے صرف ایک انڈا اور ڈبل روٹی مل جائے۔ نورا فتحی نے مزید کہا کہ بھارت میں کچھ ایسی ایجنسیاں ہیں جو نئی لڑکیوں کا استحصال کرتی ہیں اور بھارت میں ایجنسیوں کے تحفظ کے لیے کوئی قانون نہیں ہے۔