فاقی وزیر صنعت و پیداوار سمیت کابینہ کی اقتصادی رابطہ کمیٹی کی تشکیل نو

اسلام آباد: وفاقی حکومت نے کابینہ کی اقتصادی رابطہ کمیٹی (ای سی سی) کی تشکیل نو کردی ہے اور وفاقی وزیر صنعت و پیداوار کو بھی ای سی سی کا رکن بنا دیا گیا ہے۔
وزیراعظم میاں محمد شہباز شریف نے اقتصادی رابطہ کمیٹی (ای سی سی) کی ازسرنو تشکیل کرتے ہوئے وفاقی وزیر صنعت و پیداوار کو ای سی سی کا رکن بنا دیا ہے۔ وزیر صنعت و پیداوار کی شمولیت کے بعد ای سی سی ممبران کی تعداد 7 ہو گئی ہے۔
اس حوالے سے جاری اعلامیے کے مطابق وزیر خزانہ اقتصادی رابطہ کمیٹی کے چیئرمین رہیں گے۔ ای سی سی کے ارکان میں وفاقی وزراء تجارت، توانائی اور پٹرولیم شامل ہیں۔
اقتصادی امور اور منصوبہ بندی کے وفاقی وزرا بھی کمیٹی کا حصہ ہیں۔
اس سے قبل وزیراعظم نے کابینہ کی اقتصادی رابطہ کمیٹی میں تبدیلی کرتے ہوئے وزیر خزانہ کو چیئرمین مقرر کیا تھا۔ وزیراعظم نے خود ای سی سی کی سربراہی کا فیصلہ واپس لے لیا تھا۔