ممبئی: اداکار رتوراج سنگھ 3 دہائیوں سے انٹرٹینمنٹ انڈسٹری سے منسلک تھے
بھارتی میڈیا رپورٹس کے مطابق 59 سالہ اداکار ریتو راج سنگھ کو طبیعت خراب ہونے کے باعث اسپتال میں داخل کرایا گیا تھا۔
اداکار کو چند روز قبل طبیعت میں بہتری کے بعد گھر منتقل کیا گیا تھا۔
گزشتہ روز طبیعت بگڑنے پر انہیں دوبارہ ہسپتال لے جایا جا رہا تھا کہ راستے میں ہی دل کا دورہ پڑنے سے انتقال کر گئے۔
اداکار ریتو راج سنگھ گزشتہ 3 دہائیوں سے اداکاری کے شعبے سے منسلک تھے۔
انہوں نے ٹی وی انڈسٹری میں بڑے پیمانے پر کام کیا ہے اور کئی ہٹ ٹی وی سیریلز کا حصہ رہے ہیں۔
ریتو راج کے مشہور ٹی وی شوز میں کہانی گھر گھر کی، یہ رشتہ کیا کہلاتا ہے، انوپما، دیا اور باتی اور دیگر شامل ہیں۔
ریتو راج سنگھ نے بھی فلموں میں اپنی اداکاری کے جوہر دکھائے۔
ان کی آخری بالی ووڈ فلم یاریاں 2 تھی جبکہ بدری ناتھ کی دلہنیا میں ریتو راج سنگھ نے اداکار ورون دھون کے والد کا کردار ادا کیا تھا۔
