چین اور ایران نے شہباز شریف کو وزیراعظم منتخب ہونے پر مبارکباد دی ہے۔ شہباز شریف 102 ووٹ لے کر پاکستان کے 24ویں وزیراعظم بن گئے۔ تہران: چینی صدر شی جن پنگ، وزیراعظم لی کیانگ اور ایران سمیت دیگر ممالک نے شہباز شریف کو پاکستان کا وزیراعظم منتخب ہونے پر مبارکباد دی۔ عالمی خبر رساں ادارے کے مطابق چینی صدر شی جن پنگ نے اس اعتماد کا اظہار کیا کہ وزیراعظم شہباز شریف اور نئی حکومت کی قیادت میں چین اور پاکستان قومی ترقی اور پیشرفت کے ہدف میں نئی اور عظیم کامیابیاں حاصل کرنے میں کامیاب ہوں گے۔ چینی صدر شی جن پنگ نے اس بات پر بھی زور دیا کہ چین پاکستان اپنی روایتی دوستی کو جاری رکھے، مختلف شعبوں میں تبادلے اور تعاون کو مضبوط بنائے اور چین پاکستان اقتصادی راہداری کا مشترکہ طور پر اپ گریڈ ورژن بنائے۔ اسی طرح ایران کے وزیر خارجہ حسن امیر عبداللہیان نے شہباز شریف کو پاکستان کا وزیراعظم منتخب ہونے پر مبارکباد دی اور باہمی تعلقات کو مزید بڑھانے کے عزم کا اظہار کیا۔ یہ خبر پڑھیں: شہباز شریف پاکستان کے 24ویں وزیراعظم منتخب ایرانی میڈیا کے مطابق وزیر خارجہ حسین امیر عبداللہیان نے اپنے بیان میں کہا کہ وہ شہباز شریف کو 24ویں وزیراعظم منتخب ہونے پر مبارکباد پیش کرتے ہیں اور پاکستان میں امن و سلامتی کے لیے دعاگو ہیں۔ ایرانی وزیر خارجہ امیر عبداللہیان نے مزید کہا کہ اسلامی جمہوریہ ایران پاکستان کی نئی حکومت کے ساتھ ہر سطح پر باہمی تعلقات اور تعاون بڑھانے کے لیے پرعزم ہے۔ واضح رہے کہ آج پاکستان کی نو منتخب اسمبلی میں وزیراعظم کا انتخاب کیا گیا۔ شہباز شریف کے حق میں 102 جبکہ سنی اتحاد کونسل کے عمر ایوب نے 92 ووٹ ڈالے۔
