موجودہ مالیاتی صورتحال میں آئی ایم ایف پروگرام ناگزیر ہے۔وفاقی وزیر خزانہ

وفاقی وزیر خزانہ آئندہ ماہ دورہ امریکہ کے دوران آئی ایم ایف اور ورلڈ بینک کے سالانہ اجلاس میں شرکت کریں گے۔ اسلام آباد: وفاقی وزیر خزانہ محمد اورنگزیب نے آئی ایم ایف پروگرام کو ناگزیر قرار دیتے ہوئے کہا ہے کہ پاکستان جلد اہم مذاکرات کے لیے آئی ایم ایف سے باضابطہ درخواست کرے گا۔وفاقی وزیر خزانہ محمد اورنگزیب نے اپنے بیان میں کہا ہے کہ رواں مالی سال مشکل ثابت ہوگا۔ آئی ایم ایف کے ساتھ پاکستان کے عملے کی سطح کے مذاکرات رواں ہفتے شروع ہوں گے۔وفاقی وزیر خزانہ کا مزید کہنا تھا کہ پاکستان کو درپیش مسائل کے حل کے لیے اپنی تمام تر توانائیاں بروئے کار لائیں گے۔دوسری جانب وزارت خزانہ کے حکام کا کہنا ہے کہ وفاقی وزیر خزانہ محمد اور نگزیب کی قیادت میں پاکستان کا وفد 15 سے 20 اپریل تک امریکا کا دورہ کرے گا۔ وفد میں وزیر خزانہ کے ساتھ گورنر اسٹیٹ بینک، سیکریٹری خزانہ اور اعلی حکام بھی شامل ہوں گے۔یہ وفد اپنے دورہ امریکہ کے دوران 17 سے 19 اپریل تک واشنگٹن میں ہونے والے آئی ایم ایف اور ورلڈ بینک کے سالانہ وزارتی اجلاس میں بھی شرکت کرے گا۔ وفاقی کابینہ نے وزیر خزانہ محمد اورنگزیب کی پاکستانی شہریت واپس لینے کی درخواست منظور کر لی۔ جبکہ وزیر خزانہ محمد اورنگزیب نے بھی نجی بینک کے چیف ایگزیکٹو آفیسر اور صدر کے عہدے سے استعفی دے دیا۔