دس سے زائد دھماکوں کی آوازیں بھی سنی گئیں۔ گوادر پورٹ اتھارٹی (جی پی اے) کمپلیکس پر نامعلوم افراد نے حملہ کیا ہے۔
ذرائع کے مطابق گوادر شہر میں فائرنگ کا سلسلہ جاری ہے۔ دس سے زائد دھماکوں کی آوازیں بھی سنی گئیں۔ جائے وقوعہ سے دھواں اٹھتا بھی دیکھا جا سکتا ہے۔
اطلاعات کے مطابق مسلح افراد نے جی پی اے میں داخل ہونے کی کوشش کی ہے۔ گوادر پولیس نے علاقے کو گھیرے میں لے لیا ہے۔
جی پی اے کمپلیکس میں تعینات سیکیورٹی اہلکاروں کی جانب سے جوابی فائرنگ جاری ہے۔ واقعے کی اطلاع ملتے ہی مزید پولیس اور سیکیورٹی فورسز کو طلب کرلیا گیا۔
