وزیراعظم شہباز شریف کی زیرِ صدارت بیرونی سرمایہ کاری حوالے سے اہم جائزہ اجلاس
اجلاس میں خصوصی سرمایہ کاری سہولت کونسل کے تحت خلیجی ممالک سے معاہدوں اور مفاہمتی یادداشتوں پر پیش رفت کا جائزہ لیا گیا
چیلنجز کو مواقع میں بدلنے کیلئے غیر ملکی سرمایہ کاری کا فروغ ہماری اولین ترجیح ہے : سرمایہ کاروں کو ہر ممکنہ سہولت فراہم کی جائے گی:
وفاقی وزارتوں میں سرمایہ کاری کے حوالے سے جدت اور تحقیق کے لئے خصوصی سیلز قائم کئے جائیں گے:
خصوصی سرمایہ کاری سہولت کونسل کے قیام سے سرمایہ کاروں کا اعتماد بحال کرنے میں مدد ملی ہے :
ایسے منصوبے جو کہ سرمایہ کاروں کو راغب کرنے کی استعداد رکھتے ہیں ان کی فزیبیلٹی اسٹڈی کروائی جائے اور اس حوالے سے بین الاقوامی شہرت کے حامل ماہرین کی خدمات حاصل کی جائیں :
جو منصوبے سرمایہ کاری کے لئے پیش کئے جائیں ان کے معیار پر کوئی سمجھوتا نہ کیا جائے:
تمام وزارتیں خلیجی ممالک کے ساتھ اپنے متعلقہ مفاہمتی یادداشتوں پر پیش رفت کے حوالے سے ان ممالک کے ساتھ اپنے روابط میں مزید بہتری لائیں :
مظفرگڑھ ، لیہ اور جھنگ کے شمسی توانائی کے منصوبوں میں سرمایہ کاری کے حوالے سے تمام تر ضروری تقاضے پورے کئے جائیں:ریکوڈک سے گوادر بندرگاہ تک ریلوے کنیکٹوٹی کے لئے فزیبیلٹی اسٹڈی کروائی جائے :
چنیوٹ آئرن اور (Iron Ore )منصوبے میں بیرونی سرمایہ کاری کے حوالے سے اقدامات اٹھائے جائیں :تھر کول کی پاور پلانٹس تک رسائی کے لئے ریلوے لائین پر کام شروع کیا جائے:
گوادر پورٹ کی ڈریجنگ (dredging) کا کام مکمل ہو چکا ہے جس کے بعد اب وہاں بڑے بحری جہاز لنگر انداز ہو سکتے ہیں :
