سینیٹ کی قائمہ کمیٹی برائے تعلیم کی چئیرپرسن بشری انجم بٹ کے نامناسب رویے پر مسلم لیگ(ن) کے سینیٹر عرفان صدیقی نے کمیٹی سے استعفی دے دیا۔
قائمہ کمیٹی برائے تعلیم کے گزشتہ اجلاس میں چیئرپرسن بشری انجم نے عرفان صدیقی کو بات کرنے سے روک دیا تھا۔
کمیٹی کے اجلاس میں ممبران نے چیئرپرسن بشری انجم بٹ سے عرفان صدیقی سے معذرت کرنے کا کہا تھا۔اراکین کے اصرار پر بشری انجم بٹ نے معذرت کر لی تھی جسے عرفان صدیقی نے قبول کر لیا تھا۔
عرفان صدیقی مسلم لیگ ن کے پارلیمانی لیڈر ہیں جبکہ بشری انجم بٹ مسلم لیگ(ن) کی سینیٹر ہیں۔
