انسداد دہشتگردی عدالت کا شعیب شاہین کو فوری رہا کرنے کا حکم

اسلام آباد(نیوزڈیسک) انسدادِ دہشتگردی کی عدالت نے پی ٹی آئی رہنما شعیب شاہین کی درخواست ضمانت منظور کرتے ہوئے ان کی فوری رہا ئی کا حکم دے دیا۔اسلام آبادکی انسداد دہشتگردی کی عدالت کے ڈیوٹی جج طاہر عباس سپرا نے تھانہ سنگجانی میں درج مقدمے میں شعیب شاہین کی درخواست ضمانت بعد از گرفتاری منظور کی۔اے ٹی سی عدالت نے شعیب شاہین کی ایک لاکھ روپے مچلکوں کے عوض ضمانت منظور کی جس کا تحریری حکم نامہ بھی جاری کردیا گیا ہے۔عدالتی حکم نامے کے مطابق شعیب شاہین پرسنگجانی میں جلسیکے دوران خلاف ورزیوں پر مقدمہ درج کیا گیا تھا ، اسلام آباد انتظامیہ نیجلسہ مقررہ وقت پر ختم کرنے کی ہدایت کی تھی تاہم تحریک انصاف مقررہ وقت میں جلسہ ختم کرنیمیں ناکام رہی۔عدالتی حکم کے مطابق مقدمے کے تحت شعیب شاہین پر پولیس اہلکاروں پرتشدد کرنے، چند کو حبس بیجا میں رکھنے اور پولیس اہلکار کو پستول کے بٹ سے تشدد کا نشانہ بنانیکا الزام ہے تاہم ریکارڈ کے مطابق شعیب شاہین سے پستول یا ڈنڈا برآمد نہیں ہوا۔ ڈیوٹی جج طاہر عباس سپرا نے ریمارکس میں کہا کہ شعیب شاہین کے بارے میں کہا گیا بٹیر نہیں پکڑ سکتے، پھر پستول کا الزام ڈال دیاگیا ،شعیب شاہین ضعیف ہیں اور طبی مسائل کا شکار ہیں، ثابت نہیں ہوتاکہ ان کی وجہ سے پولیس پرحملہ ہوا۔بعد ازاں عدالت نے شعیب شاہین کی درخواست ضمانت بعد از گرفتاری منظور کرتے ہوئے انہیں فوری رہا کرنے کا حکم دیا۔