لاہور: اسلام پورہ پولیس نے لاہور بار ایسوسی ایشن کے سالانہ انتخابات میں کامیابی کے بعد ہوائی فائرنگ کرنے والے 40 وکلا کے خلاف ایف آئی آر درج کر لی۔
ایف آئی آر کے مطابق وکلا کے خلاف اقدام قتل، سرکاری امور میں مداخلت، املاک کو نقصان پہنچانے اور دہشت گردی کی دفعات کے تحت مقدمہ درج کیا گیا۔
پولیس نے ایس ایچ او عاصم جہانگیر کی شکایت پر ایف آئی آر درج کر لی۔
ایف آئی آر میں درج کیا گیا کہ انتخابی عمل مکمل ہونے کے بعد 300 کے قریب وکلا اعوان عدل روڈ پر پہنچ گئے اور نعرے بازی کی۔
پولیس کا کہنا ہے کہ فائرنگ کے نتیجے میں وکلا کی فائرنگ سے سرکاری عمارتوں، گاڑیوں اور میٹرو پل کو نقصان پہنچا۔
