اسلام آباد: حکومت نے جان بچانے والی 146 ادویات کی قیمتوں میں اضافہ کردیا۔
نوٹیفکیشن کے مطابق جن ادویات کی قیمتوں میں اضافہ کیا گیا ہے ان میں کینسر، ویکسین اور اینٹی بائیوٹک ادویات شامل ہیں۔
ڈرگ ریگولیٹری اتھارٹی نے حکومت کو 262 ادویات کی قیمتوں میں اضافے کی سمری ارسال کی تھی۔
حکومت نے فہرست میں شامل 146 جان بچانے والی ادویات کی قیمتوں میں اضافہ کر دیا۔
حکام کے مطابق فہرست میں شامل 116 ادویات کی قیمتوں میں اضافہ دوا ساز کمپنیاں خود کریں گی۔
حکومت نے گزشتہ روز ادویات کی قیمتوں کو کنٹرول نہیں کیا، جس سے کمپنیوں کو اپنے طور پر قیمتیں بڑھانے کی اجازت دی گئی۔
حکام نے مزید کہا کہ حکومت اب قومی ضروری ادویات کی فہرست میں شامل صرف 464 ادویات کی قیمتوں کو کنٹرول کرے گی۔
