جیا بچن ایک اداکارہ ہونے کے ساتھ ساتھ سیاست دان بھی ہیں

۔ ممبئی: بالی ووڈ کی سینئر اداکارہ اور سیاستدان جیا بچن نے انکشاف کیا ہے کہ وہ اداکارہ نہیں بننا چاہتی تھیں بلکہ بھارتی فوج میں بھرتی ہونا چاہتی تھیں۔بھارتی میڈیا کے مطابق امیتابھ بچن اور جیا بچن کی پوتی کا اپنا پوڈ کاسٹ ہے جس میں جیا بچن اکثر اپنی بیٹی شویتا بچن نندا کے ہمراہ بطور مہمان شرکت کرتی ہیں۔پوڈ کاسٹ کی حالیہ ایپی سوڈ میں جیا بچن اپنی بیٹی شویتا بچن نندا کے ساتھ نواسی کے پوڈ کاسٹ کا حصہ بنیں جس میں سینئر اداکارہ نے اپنے ماضی کے خواب کے بارے میں بات کی جو آج تک پورا نہیں ہو سکا۔جیا بچن نے کہا کہ اداکاری کی دنیا میں آنے سے پہلے میں بھارتی فوج میں شامل ہونا چاہتی تھی لیکن اس وقت خواتین کو فوج میں شامل ہونے کی اجازت نہیں تھی۔انہوں نے کہا کہ مجھے وہ وقت یاد ہے جب میں بہت مایوس تھی کیونکہ میں فوج میں بطور فائٹر بھرتی ہونا چاہتی تھی لیکن بھارتی فوج میں خواتین کو صرف نرسوں کے طور پر بھرتی کیا جاتا تھا۔سینئر اداکارہ نے مزید کہا کہ فوج میں شمولیت کا خواب پورا نہیں ہوا اس لیے میں نے اداکاری کی دنیا میں قدم رکھا اور ایک کامیاب کیرئیر بنایا تاہم مجھے یہ دیکھ کر بہت خوشی ہوئی کہ اب خواتین ہر شعبے میں مردوں کے شانہ بشانہ کام کر رہی ہیں۔ کر رہیہیںواضح رہے کہ امیتابھ بچن اور جیا بچن کی شادی 1973 میں ہوئی تھی، جوڑے کے دو بچے شویتا بچن نندا اور ابھیشیک بچن ہیں۔جیا بچن کئی دہائیوں سے بھارتی فلم انڈسٹری سے منسلک ہیں، ان کی پہلی فلم گڑی سال 1971 میں ریلیز ہوئی تھی، وہ اپنے بہترین کام پر کئی ایوارڈز اپنے نام کر چکی ہیں۔اداکاری کی دنیا میں اپنا نام بنانے کے بعد، جیا بچن نے سال 2004 میں سماج وادی پارٹی میں شامل ہو کر اپنے سیاسی کیریئر کا آغاز کیا۔