ممبئی: بالی ووڈ اداکار عمران ہاشمی نے کہا ہے کہ اداکارہ کنگنا رناوت کی جانب سے اقربا پروری کا الزام حیران کن ہے۔ اداکار عمران ہاشمی نے ایک انٹرویو میں کہا کہ میں نے کنگنا رناوت کے ساتھ فلمیں کی ہیں اور وہ بطور اداکار پسند کرتے ہیں لیکن کنگنا رناوت کا پوری فلم انڈسٹری پر اقربا پروری کا الزام لگانا غلط ہے۔ عمران ہاشمی کا مزید کہنا تھا کہ فلم گینگسٹر میں کنگنا کا کردار میرے کردار سے زیادہ اہم تھا۔ اس فلم کی وجہ سے کنگنا کو ایک نئی شناخت اور آگے بڑھنے کے مواقع ملے۔ انہوں نے کہا کہ ہوسکتا ہے کنگنا کو انڈسٹری میں کچھ برے تجربات ہوئے ہوں اور اس کی بنیاد پر یہ ان کی رائے ہے لیکن میرے خیال میں اقربا پروری کو دوبارہ موقع ملنے کا امکان نہیں ہے۔ ہوسکتا ہے کہ انڈسٹری میں کچھ لوگ ڈرگ کرتے ہوں لیکن پوری انڈسٹری کو اس کے لیے مورد الزام نہیں ٹھہرایا جاسکتا۔ 2017 میں اداکارہ کنگنا رناوت نے اپنے ٹی وی شو کافی ود کرن میں بالی ووڈ کے مشہور ہدایت کار اور فلم ساز کرن جوہر کو بالی ووڈ میں اقربا پروری کا علمبردار کہا۔
