نیوزی لینڈ کرکٹ ٹیم کا دورہ پاکستان، سیکیورٹی وفد کا راولپنڈی اسٹیڈیم کا دورہ

نیوزی لینڈ کی ٹیم 5 ٹی ٹوئنٹی میچز کے لیے اگلے ماہ پاکستان کا دورہ کرے گی نیوزی لینڈ کرکٹ ٹیم کے دورہ پاکستان سے قبل سیکیورٹی اور انتظامات کا جائزہ لینے کے لیے کیویز بورڈ کے 2 رکنی وفد نے راولپنڈی کرکٹ اسٹیڈیم کا دورہ کیا۔ میڈیا کے مطابق وفد میں چیف ایگزیکٹو آفیسر (سی ای او) نیوزی لینڈ پلیئرز ایسوسی ایشن ہیتھ ملز اور سیکیورٹی کنسلٹنٹ ریگ ڈکسن شامل تھے۔ دورے کے دوران پاکستان کرکٹ بورڈ (پی سی بی) اور سیکیورٹی حکام نے وفد کو بریفنگ دی۔ کیوی وفد آج دوپہر لاہور کے قذافی سٹیڈیم کا دورہ بھی کرے گا۔ نیوزی لینڈ کی ٹیم 5 ٹی ٹوئنٹی میچز کے لیے آئندہ ماہ پاکستان کا دورہ کرے گی، میچز لاہور اور راولپنڈی کے کرکٹ اسٹیڈیم میں کھیلے جائیں گے۔