کھیل

کوئٹہ گلیڈی ایٹرز کے ابرار احمد،سعود شکیل پر خلاف ورزی پر جرمانہ عائد

کراچی۔کوئٹہ گلیڈی ایٹرز کیابرار احمد اور سعود شکیل پر ضابطہ اخلاق کی خلاف ورزی پر جرمانہ عائد کر دیا گیا۔ پاکستان کرکٹ بورڈ کے مطابق کوئٹہ گلیڈی ایٹرز کے ابرار احمد اور سعود شکیل دونوں پر اسلام آباد یونائیٹڈ کے خلاف ایچ بی ایل پی ایس ایل 9 کے میچ کے دوران ایچ بی ایل پی ایس ایل کے ضابطہ اخلاق کے لیول 1 کی خلاف ورزی پر ان کی میچ فیس کا پانچ فیصد جرمانہ عائد کیا گیا ہے۔
ابرار کو ایچ بی ایل پی ایس ایل کوڈ آف کنڈکٹ کے آرٹیکل 2.4 کی خلاف ورزی کرتے ہوئے پایا گیا، میچ کے دوران امپائر کی ہدایت کی نافرمانی۔ اسلام آباد یونائیٹڈ کی بیٹنگ کے 19ویں اوور میں پیش آیا، جب فیلڈنگ کے دوران ابرار نے امپائرز کی جانب سے ایسا نہ کرنے کی ہدایت کے باوجود گیند کو پوری طرح گرانڈ میں گھما دیا۔ اسی میچ کے دوران ہونے والے دوسرے واقعے میں سعود نے ایچ بی ایل پی ایس ایل کوڈ آف کنڈکٹ کے آرٹیکل 2.5 کی خلاف ورزی کی۔ آرٹیکل میں لکھا ہے
کہ میچ کے دوران زبان، حرکات یا اشاروں کا استعمال جو توہین آمیز ہو یا جو کسی بلے باز کی طرف سے جارحانہ ردعمل کو بھڑکا سکے۔ 12ویں اوور میں یونائیٹڈ کے بلے باز سلمان علی آغا کو آٹ کرنے کے بعد سعود، سلمان کے قریب گئے اور ایسے ریمارکس دیے جو بلے باز کو مشتعل کر سکتے تھے۔دونوں کھلاڑیوں نے الزامات کا اعتراف کیا اور میچ ریفری محمد جاوید کی طرف سے تجویز کردہ پابندیوں کو قبول کیا۔ یہ الزامات آن فیلڈ امپائرز احسن رضا اور کرس گیفانی نے عائد کیے تھے۔

Related Articles

جواب دیں

آپ کا ای میل ایڈریس شائع نہیں کیا جائے گا۔ ضروری خانوں کو * سے نشان زد کیا گیا ہے

Back to top button