۔ کوئٹہ: انوار الحق کاکڑ بلوچستان کی جنرل نشست پر بلامقابلہ سینیٹر منتخب ہوگئے۔ تفصیلات کے مطابق بلوچستان سے سینیٹ انتخابات کے لیے 7 جنرل اور 2 خواتین امیدوار بلامقابلہ منتخب ہو گئے جس کا اعلان صوبائی الیکشن کمشنر محمد فرید آفریدی نے کیا۔ الیکشن کمیشن کے مطابق جنرل نشست پر کامیاب ہونے والوں میں انوار الحق کاکڑ، احمد خان، امل ولی خان، جان محمد بلادی، سردار عمر گرگیج، شاہد زیب، سید سیال شامل ہیں۔
