وزیر خزانہ کی امریکی حکام سے ملاقات، نجکاری اور دیگر امور پر تبادلہ خیال

اسلام آباد: وزیر خزانہ محمد اورنگزیب نے امریکی معاون وزیر خارجہ برائے جنوبی اور وسطی ایشیائی امور ڈونلڈ لو اور امریکی محکمہ خارجہ کی پرنسپل ڈپٹی اسسٹنٹ سیکرٹری الزبتھ ہورسٹ سے ملاقات کی۔ عالمی بنک کے ہیڈ کوارٹر میں منعقد ہوا جس میں پاکستان امریکہ تعلقات کو مزید مضبوط بنانے پر اتفاق کیا گیا۔ وزیر خزانہ نے امریکی حکام کو اصلاحاتی ایجنڈے پر بریفنگ دی۔ وزیر خزانہ نے امریکی حکام کو پاکستان کے اصلاحاتی ایجنڈے سے آگاہ کیا۔ ملاقات میں متبادل توانائی، زراعت، آب و ہوا اور ٹیک انڈسٹری کے امور پر بھی تبادلہ خیال کیا گیا۔ وزیر خزانہ نے پاکستان امریکہ اقتصادی شراکت داری کو اپ گریڈ کرنے پر بھی زور دیا۔ وزیر خزانہ نے آئی ٹی، زراعت اور دیگر شعبوں میں سرمایہ کاری کے مواقع پر بھی بات کی۔ محمد اورنگزیب نے کہا کہ ٹیکس کی بنیاد کو وسیع کرنا، توانائی کے شعبے کو ہموار اور نجکاری کرنا اولین ترجیح ہے۔ محمد اورنگزیب نے کہا کہ پاکستان یو ایس انٹرنیشنل ڈویلپمنٹ فنانس کارپوریشن کے ساتھ مل کر کام کرے گا۔ پاکستان ایگزم بینک کے ساتھ بھی کام کرے گا۔ وزیر خزانہ نے آئی ٹی، زراعت اور دیگر شعبوں میں سرمایہ کاری کے مواقع پر بھی تبادلہ خیال کیا۔ قبل ازیں وزیر خزانہ محمد اورنگزیب نے ورلڈ بینک اور آئی ایم ایف کی پاکستان اسٹاف ایسوسی ایشن سے بھی ملاقات کی۔ وزیر خزانہ نے ایسوسی ایشن کو حکومت کے اصلاحاتی ایجنڈے سے آگاہ کیا۔ ملاقات میں ٹیکس کی بنیاد کو وسیع کرنے، توانائی کے شعبے میں اصلاحات، نجکاری، ڈیجیٹلائزیشن، پبلک پرائیویٹ پارٹنرشپ پر تبادلہ خیال کیا گیا۔