اسلام آباد پولیس کاتھانہ گولڑہ کے مختلف علاقوں میں سرچ اور کومنگ آپریشن

اسلام آباد (نیوزڈیسک)اسلام آباد پولیس نے تھانہ گولڑہ کے مختلف علاقوں میں سرچ اور کومنگ آپریشن کیا ، سرچ آپریشن کے دوران 140مشکوک افراد اور35گھر وں سمیت 35ہوٹلز کو چیک کیا گیا، 14مشتبہ افراد ،سات گاڑیاں اور موٹر سائیکلوں کو قانونی کارروائی کیلئے تھا نہ منتقل کیا گیا ،جبکہ 05افراد کے خلاف انسداد کا رروائی عمل میں لا ئی گئی۔تفصیلات کے مطابق اسلام آباد پولیس کا وفاقی دارلحکومت میں جرائم پیشہ عناصرکے انسداد اور جرائم پیشہ عناصر کی سرکوبی کیلئے مختلف علاقوں میں سرچ اورکومنگ آپریشنز کا سلسلہ جاری ہے، اس سلسلے میں اسلام آباد پولیس نے تھانہ گولڑہ کے مختلف علاقوں میں گرینڈ سرچ اورکومنگ آپریشن کا انعقاد کیا،سرچ آپریشن میں ایس پی صدر زون کی زیر نگرانی سی ٹی ڈی، خواتین پولیس افسران سمیت مقامی پولیس ٹیموں نے حصہ لیا، سرچ آپریشن کے دوران 140مشکوک افراد اور35گھر وں سمیت 10ہو ٹلزکو چیک کیا گیا، 14مشتبہ افراد ،07 گاڑیاں اور موٹر سائیکلوں کو قانونی کارروائی کیلئے تھا نہ منتقل کیا گیا جبکہ 05افراد کے خلاف انسداد کا رروائی عمل میں لا ئی گئی،ڈی آئی جی اسلام آباد سیدعلی رضانے کہا کہ سرچ آپریشن کا مقصد جرائم پیشہ عناصر کے گرد گھیرا تنگ کرنااور شہر بھرمیں سکیورٹی کو موثر بنانا ہے، سرچ آپریشنز ضلع بھر کے مختلف علاقوں میں کئے جارہے ہیں، انہوں نے مزید کہا کہ اسلام آبادپولیس کا جرائم پیشہ عناصر، قبضہ مافیا اور منشیات فروشوں کیخلاف بلاتفریق کاررائیوں کا سلسلہ جاری ہے، شہریوں سے بھی گزارش ہے کہ کسی بھی مشکوک سرگرمی کے متعلق متعلقہ تھانہ،ایمرجنسی ہیلپ لائن”پکارـ15 "یا "آئی سی ٹی "15-ایپ پر فوری اطلاع دیں، تاکہ پولیس اور عوام کے باہمی تعاون سے شہر کو جرائم سے پاک کیا جاسکے۔