نویں جماعت کی طالبہ کے اغوا کا معاملہ، پولیس کی بروقت کارروائی سے مغویہ بازیاب

ہربنس پورہ میں اغوا ہونے والی نویں جماعت کی طالبہ کو پولیس نے سی سی ٹی وی فوٹیجز کی مدد سے فوری کارروائی کرتے ہوئے بازیاب کرالیا ہے۔لاہور پولیس کے مطابق نویں جماعت کی طالبہ اسکول جانے کے لیے صبح سوا 7 بجے گھر سے نکلی تھی اور اسے اغوا کرلیا گیا تھا۔واقعے کا مقدمہ گزشتہ روز اغوا ہونے والی لڑکی کے والد کی مدعیت میں درج کیا گیا تھا۔پولیس نے بتایا کہ بچی کے گھر سے باہر جانے اور اسکول کے گردونواح کی سی سی ٹی وی سامنے آنے پر فوری کارروائی کی گئی۔پولیس کے مطابق سی سی ٹی وی فوٹیج میں دیکھا جاسکتا ہے کہ برقعہ پہنے لڑکی گھر اور اسکول کے قریب اکیلی جاتی ہوئی نظر آرہی ہے۔اغوا ہونے والی بچی کے بازیاب ہونے کے بعد والد کا ویڈیو بیان بھی سامنے آگیا ہے جس میں انھوں نے بتایا کہ میری بیٹی کو مغرب کے وقت صحیح سلامت بازیاب کروایا، پولیس اور سیف سٹی نے بہت تعاون کیا۔