ممبئی: سپر اسٹار پربھاس کی ’سالار‘ نے دو ہفتوں میں 650 کروڑ سے زیادہ کا بزنس کر لیا۔ ’سالار‘ نے افتتاحی روز 178 کروڑ کا بزنس کرکے ہندی سنیما کے تمام ریکارڈ توڑ دیے اور اس نے شاہ رخ خان کی فلم ’جوان‘ کو بھی پیچھے چھوڑ دیا۔ فلم کا دوسرا حصہ بھی بنایا جائے گا جس میں پربھاس ’سالار‘ کے کردار میں جبکہ پرتھوی راج سوکومن ’ورادرجا منرا‘ کے کردار میں ایکشن دے رہے ہیں۔ نئی فلم کی ہدایت کاری بلاک بسٹر سیریز ’کے جی ایف‘ کے ڈائریکٹر پرشانت نیل نے کی ہے اور اس کی کہانی ’کے جی ایف‘ سے جڑی ہوئی ہے۔ سالار کی کہانی: سیز فائر 1 افسانوی شہر خانسار کے گرد گھومتی ہے جس پر دنیا کے خطرناک ترین لوگوں نے قبضہ کیا ہوا ہے۔ واضح رہے کہ ’سالار‘ 400 کروڑ کے بھاری بجٹ سے بنائی گئی ہے اور اسے 22 دسمبر کو دنیا بھر میں ریلیز کیا گیا تھا۔
