ممبئی: بالی ووڈ سپر اسٹار شاہ رخ خان نے اپنے بیٹے ابرام کے اسکول کی تقریب میں پہنچ کر سب کو حیران کردیا۔
اداکار دھیرو بھائی امبانی انٹرنیشنل اسکول کے پانچویں جماعت کے بچوں کے لیے ایک تقریب میں مہمان خصوصی تھے، جہاں ان کا بیٹا بھی پڑھتا ہے۔
شاہ رخ خان کی آمد پر جہاں بچے خوش تھے وہیں پوری اسکول انتظامیہ بھی محظوظ ہوئی اور اس موقع پر طلبا کے ساتھ مختلف گیمز بھی کھیلے گئے۔
اداکار کی ابرام کے ساتھ گٹار پر اپنی صلاحیتوں کا اظہار کرتے ہوئے ایک تصویر بھی سوشل میڈیا پر وائرل ہے۔
اس تقریب کی تصاویر سوشل میڈیا پر وائرل ہوتے ہی اداکار کے مداحوں نے سوشل میڈیا پر اپنے بچوں کے لیے ان کی محبت کو سراہا۔
