عالمی عدالت انصاف میں فلسطینیوں کے ساتھ پاکستان کی یکجہتی؛ وزیر قانون و انصاف احمد عرفان اسلم

فرانس کو 1962 میں الجزائر سے اپنے دس لاکھ آباد کاروں کو واپس بلانے پر بھی مجبور کیا گیا۔
دی ہیگ: پاکستان کے وزیر قانون و انصاف احمد عرفان اسلم نے عالمی عدالت انصاف میں کہا ہے کہ اسرائیل نے فلسطین پر اپنے قبضے کو ناقابل تسخیر بنانے کی کوشش کی لیکن تاریخ بتاتی ہے کہ اس قبضے کو ختم کرنا ناممکن نہیں۔
بین الاقوامی خبر رساں ادارے کے مطابق پاکستان کے وزیر قانون و انصاف احمد عرفان اسلم نے آج عالمی عدالت انصاف میں فلسطین پر اسرائیل کے قبضے کے خلاف اقوام متحدہ کی ہدایت پر ہونے والی سماعت میں دلائل پیش کیے۔
پاکستانی وزیر نے کہا ہے کہ اسرائیل نے فلسطین پر اپنے قبضے کو برقرار رکھنے اور ناقابل تسخیر رکھنے کے لیے ایسی صورتحال پیدا کر رکھی ہے جس کی وجہ سے اس قبضے کو ختم کرنا تقریباً ناممکن ہے۔
وزیر قانون و انصاف نے مزید کہا کہ تاریخ بتاتی ہے کہ ایسے ناقابل تسخیر قبضوں اور غیر قانونی قبضوں کو ختم کیا گیا ہے، جیسا کہ جب فرانس کو 1962 میں الجزائر سے اپنے دس لاکھ سے زیادہ آباد کاروں کو واپس بلانے پر مجبور کیا گیا تھا۔
پاکستانی وزیر نے کہا کہ فرانسیسی آباد کاروں کی تعداد نہ صرف مقبوضہ مشرقی یروشلم اور مقبوضہ مغربی کنارے میں اسرائیلی آباد کاروں سے زیادہ ہے بلکہ فرانسیسی بھی زیادہ طاقتور اور مضبوطی سے قائم ہیں۔
وزیر قانون و انصاف احمد عرفان اسلم نے فلسطین کے دو ریاستی حل کو امن کی بنیاد قرار دیتے ہوئے مطالبہ کیا کہ وہ بین الاقوامی قوانین پر ٹھوس بنیادوں پر عمل درآمد کو ممکن بنا کر مذاکراتی کوششوں میں مدد کرے۔
میں