لاہور: بھارتی بیس بال ٹیم نے پاکستان میں تین ملکی سیریز کھیلنے کی حامی بھرلی ، تیسری ٹیم ملائیشیا ہوگی۔
انڈین بیس بال کے سیکرٹری ہریش کمار نے پاکستان بیس بال فیڈریشن کے صدر سید فخر علی شاہ کی دعوت قبول کر لی۔ فخر علی شاہ کے مطابق 15 سے 22 اپریل تک لاہور میں تین ملکی بیس بال سیریزکرانے کی پلاننگ کی ہے ۔ جس میں ملائیشیا کے بعد بھارت نے بھی شرکت کی یقین دہانی کرادی ہے۔ فخر علی شاہ نے کہا کہ بھارتی بیس بال سیکرٹری ہریش کمار سے فون پر بات ہوئی ہے۔، وہ پاکستان آکر کھیلنے کے خواہشمند ہیں۔ ان کا موقف ہے کہ حکومت کی اجازت کے بعد ویزا ملنے کی صورت میں ضرورپاکستان آکر کھیلیں گے۔صدر پاکستان بیس بال فیڈریشن کے صدر نے واضح کیا کہ مینز اور و یمنز یموں کی سیر یز پلان کر رہے ہیں۔ وہ ویسٹ ایشیا بیس بال کپ سے پہلے یہ تین ملکی سیریز تیاری میں مدد دے گی گزشتہ بر س بھارتی ٹیم ویسٹ ایشیا کپ کھیلنے اسلام آباد میںآ کر کھیل چکی ہے ۔
