مشاہد حسین کا نواز شریف کو پی پی کو وزارت عظمی دے کر خود صدر بننے کا مشورہ

سیاسی جماعتیں پہل نہیں کریں گی تو جی ایچ کیو کو پہل کرنا پڑے گی۔
سینیٹر مشاہد حسین نے تجویز دی کہ مسلم لیگ ن، پیپلز پارٹی اور پاکستان تحریک انصاف مل کر قومی حکومت بنائیں۔
سینیٹ میں اظہار خیال کرتے ہوئے سینیٹر مشاہد حسین سید نے کہا کہ 8 فروری کے انتخابات متنازعہ لیکن تاریخی تھے، عوام کو ووٹ کا شفاف حق ملا ہے۔
پی ٹی آئی کو سنگل لارجسٹ پارٹی بننے پر مبارکباد، خدشہ ہے کہ 8 فروری کو ہونے والے انتخابات بحران میں نہ بدل جائیں۔
یہ خرابی 2014 کے دھرنے کی ہے جب سیکیورٹی اسٹیبلشمنٹ منتخب حکومت کے خلاف گئی، سیکیورٹی اسٹیبلشمنٹ نے عدالت کو استعمال کیا اور سافٹ کو استعمال کیا۔
مشترکہ حکومت بنائی جائے اور تمام جماعتوں کو شامل کیا جائے، عوام اسے ووٹ دیں تو اسے تسلیم کیا جائے۔
سینیٹر مشاہد حسین نے کہا کہ سیاسی جماعتیں پہل نہیں کریں گی تو جی ایچ کیو کو پہل کرنا پڑے گی۔
نواز شریف کو پی پی پی کو وزارت عظمی دے کر سربراہ مملکت بننے کا مشورہ دیا۔
نواز شریف اس وقت قیادت دکھائیں، وزیراعظم کا عہدہ پیپلز پارٹی کو دیں اور آگے بڑھیں۔